35 - 10 т. г. назад | Асваенне і засяленне тэрыторыі |
6 - 9 ст. | Фарміраванне і дзейнасць ва ўсходніх славян першых палітычных аб'яднанняў - княжанняў. На тэрыторыі Беларусі жылі славянскія народы (саюзы плямён) - дулебы, крывічы, дрыгавічы, радзімічы, на самым поўдні - драўляне, валыняне, на паўднёвым захадзе - яцвягі. |
862 - 865 г. | Першыя летапісныя звесткі пра гарада Полацк i Смаленск як цэнтры крывічоў-палачан. |
Сярэдзіна 10 cт. | Утварэнне Полацкага княства. Пачатак беларускай дзяржаўнасці. |
1044 - 1066 г. | Будаўніцтва ў Полацку першага хрысціянскага храма - Сафійскага сабора (перабудаваны ў 1738-1750 г.). Сімвал дзяржаўнасці. |
1253 г. | Утварэнне Вялікага княства Літоўскага - Беларуска-Літоўскай дзяржавы са сталіцай у Новагародку. Вялікі князь Вялікага княства Літоўскага Міндоўг прыняў тытул караля; каранаваўся ў сваёй рэзідэнцыі ў Новагародку каронай, прысланай ад імя папы Інакенція IV. |
1294 г. | Вялікі князь Віцень заваяваў Жамойцію. |
1323 г. | Горад Вільня (былы Крывы Горад ці Крывіч-горад,) абвешчаны асноўнай сталіцай Вялікага княства Літоўскага. |
1345 - 1377 г. | Княжанне у Вялікім княстве Літоўскім Альгерда. За час яго княжання тэрыторыя Беларуска-Літоўскай дзяржавы павялічылася амаль удвая. |
1362 г. | Перамога войск Вялікага княства Літоўскага на чале з Альгердам над аб'яднанымі войскамі Залатой Арды каля ракі Сінія Воды (цяпер р.Сінюха, прыток Паўднёвага Буга). У выніку да Вялікага княства Літоўскага далучаны землі басейна Днястра і Паўднёвага Буга, Кіеўскія, Чарнігава-Северскія, Валынскія, Падольскія і Пераяслаўскія землі, падпарадкавана Смаленскае княства. |
1384 г. | Герб «Пагоня» стаў гербам Вялікага княства Літоўскага. |
1385 г., 14 жніўня. | Крэўская унія — дагавор пра аб'яднанне Вялікага княства Літоўскага з Польскім каралеўствам праз шлюб вялікага князя Літоўскага Ягайлы і польскай каралевы Ядвігі; заключаны ¢ Крэўскім замку (цяпер веска Крэва Смаргонскага раёна). Асноўнай мэтаю гэтага саюза было процідзеянне знешняй небяспецы абедзвюх дзяржаў. |
1410 г., 15 ліпеня. | Грунвальдская бітва — разгром Тэўтонскага ордэна аб'яднанымі арміямі Польскага каралеўства і Вялікага княства Літоўскага. Княства выставіла 40 харугваў (палкоў), з беларускіх зямель удзельнічалі харугвы Полацкая, Віцебская, Мсціслаўская, Гарадзенская, Берасцейская, Пінская, Новагародская, Лідская, Ваўкавыская, Драгічынская, Аршанская, Тураўская, Слуцкая і інш. |
1492 - 1494 г.;1500 - 1503 г.;1507 - 1508 г.; 1512 - 1522 г.; 1534 - 1537 г. | Войны Маскоўскай дзяржавы з Вялікім княствам Літоўскім. |
1506 г., 5 жніўня. | Клецкая бітва — разгром 7-тысячным беларускім войскам пад камандаваннем Міхаіла Глінскага вялікага войска крымскіх татараў пад Клецкам; рэшткі разбітага татарскага войска знішчаны каля Капыля, Слуцка, Петрыкава. Пасля гэтай бітвы буйныя напады татараў на Беларусь фактычна спыніліся, парадзелі напады дробных атрадаў. |
1514 г., 8 верасня. | Аршанская бітва — паражэнне 80-тысячнага войска маскоўскіх ваявод пад Оршай (на рацэ Крапіўна); 30-тысячнае беларуска-літоўскае войска ўзначальваў гетман Канстанцін Астрожскі. У выніку бітвы ўсходняя Беларусь вызвалена ад расійскіх войскаў. |
1529 г., 29 верасня. | Зацвярджэнне і ўвядзенне ў дзеянне 1-га Статута Вялікага княства Літоўскага — збору законаў феадальнага права; помнік беларускай пісьменнасці, мовы і юрыдычнай думкі (друкарскім спосабам на беларускай мове перавыдадзены у 1841 г. у Познані пры ўдзеле І.Лялевеля). |
1558 - 1583 г. | Лівонская вайна — барацьба Расіі, Швецыі, Польшчы і Вялікага княства Літоўскага за Прыбалтыку. |
1566 г., 11 сакавіка. | Зацверджаны 2-і Статут Вялікага княства Літоўскага — збор законаў феадальнага права, помнік беларускай пісьменнасці і юрыдычнай думкі. |
1569 г., 1 ліпеня. | Люблінская унія — урачыстае абвяшчэнне пра аб'яднанне на аснове роўнасці Польскага Каралеўства (Карона) і Вялікага княства Літоўскага (Княства) у федэратыўную дзяржаву — Рэч Паспалітую. На чале дзяржавы быў кароль (ён жа і вялікі князь), якога выбірала шляхта «абодвух народаў», ствараўся агульны сойм з двух палат: сенат і пасольская ізба (па 2 паслы ад кожнага павета); абедзве дзяржавы захоўвалі суверэнітэт, асобную дзяржаўную адміністрацыю, войскі, скарб і права эмісіі аднолькавай манеты, судовы апарат, свае законы і сваю мытную сістэму; кожная краіна захоўвала свае дзяржаўныя мовы: Польшча — лацінскую Вялікае княства Літоўскае — беларускую. |
1588 г., 28 студзеня. | Зацвярджэнне каралём Рэчы Паспалітай Жыгімонтам III Вазай 3-га Статута Вялікага княства Літоўскага — збору законаў феадальнага права; унікальны помнік беларускай мовы, пісьменнасці і юрыдычнай думкі. Дзейнічаў на Беларусі да 1840 г. |
1600 - 1629 г. | Вайна Рэчы Паспалітай са Швецыяй. |
1604 - 1618 г. | Інтэрвенцыя Рэчы Паспалітай у межы Расійскай дзяржавы. |
1605 г., 27 верасня. | Кірхгольмская бітва - польскае і літоўска-беларускае войска на чале з Янам Хадкевічам разграміла шведскія войскі. |
1609 - 1618 г. | Вайна Рэчы Паспалітай з Расіяй. Польскае і літоўска-беларускае войска разбіла рускія войскі пад Смаленскам і падышло да Масквы, дзе адбыўся пераварот (схінуты з трона Васіль Шуйскі), у выніку якога каралевіч Уладзіслаў (сын караля Рэчы Паспалітай Жыгімонта III Вазы) абвешчаны расійскім царом. |
1618 г., 1 снежня. | Дэўлінскае перамір'е (заключана ў в. Дэўліна пад Масквой) паміж Рускай дзяржавай і Рэччу Паспалітай, паводле якога да Вялікага княства Літоўскага адышло 29 гарадоў, у тым ліку землі Смаленшчыны з гарадамі Белы, Дарагабуж, Сярпейск, Рослаў, Старадуб, Трубчэўск, Чарнігаў, Ноўгарад-Северскі, Глухаў і інш. , каралевіч Уладзіслаў захаваў тытул «цара маскоўскага і ўсяе Русі» |
1632 - 1634 г. | Вайна Расійскай дзяржавы супраць Рэчы Паспалітай (Смаленская вайна). |
1648 г., май. | Пачатак паўстання ўкраінскіх казакаў пад кіраўніцтвам Б.Хмяльніцкага супраць Рэчы Паспалітай. |
1654 г., 18 студзеня. | Пераяслаўская рада зацвердзіла рашэнне Маскоўскага сабора пра далучэнне Украіны да Расійскай дзяржавы. |
1654 г., вясна - 1667 г. | Вайна Расіі з Рэччу Паспалітай. Гэта вайна стала нацыянальнай трагедыяй беларускага народа: большасць гарадоў, мястэчак і вёсак была разрабавана і спалена, гаспадарка прыйшла ¢ заняпад, колькасць насельніцтва скарацілася напалову. У вайне супраць Рэчы Паспалітай прымалі ўдзел украінскія казацкія атрады, Швецыя (да 1655). |
1667 г., 30 студзеня. | Андросаўскае перамір'е паміж Расіяй і Рэччу Паспалітай, якім закончылася вайна 1654—1667 г.; у выніку да Расіі перайшлі Смаленскае ваяводства і Левабярэжная Украіна з Кіевам. Скончыўся перыяд, які ўвайшоў у гісторыю Беларусі пад назваю «20-гадовая смута». |
1676 г. і 1683 - 1699 г. | Вайна Рэчы Паспалітай супраць Турцыі і яе васала — Крымскага ханства; вайна даведзена да перамогі |
1700 - 1721 г. | Паўночная вайна Расіі і Рэчы Паспалітай супраць Швецыі, многія падзеі якой адбываліся на тэрыторыі Беларусі; вайна прычыніла вялікія страты Беларусі, многія яе гарады былі спалены, колькасць насельніцтва значна паменшала. |
1772 г. | Першы падзел Рэчы Паспалітай паміж Расіяй, Прусіяй і Аўстрыяй (паводле Пецярбургскай канвенцыі ад 5 8 1772 г ), далучэнне ўсходняй часткі Беларусі да Расійскай Імперыі. |
1793 г., студзень. | Другі падзел Рэчы Паспалітай (паводле Пецярбургскай канвенцыі ад 23.1.1793 г.); далучэнне да Расійскай Імперыі цэнтральнай часткі Беларусі і Правабярэжнай Украіны. |
1794 г., 24 сакавіка - 16 лістапада. | Вызваленчае паўстанне ў Рэчы Паспалітай пад кіраўніцтвам Андрэя Тадэвуша Касцюшкі. |
1795 г., кастрычнік. | Трэці падзел Рэчы Паспалітай (паводле Пецярбургскай канвенцыі ад 24.10.1795 г.) — далучэнне да Расійскай імперыі заходняй часткі Беларусі, часткі Літвы (да Коўна) і Курляндыі; паўднёва-заходняя частка Берасцейскага ваяводства была далучана да Аўстрыі, паўночна-заходняя частка Гродзеншчыны — да Прусіі. |
1795 г., 25 лістапада. | Кароль польскі і вялікі князь літоўскі Станіслаў Аўгуст Панятоўскі адмовіўся ад трона на карысць расійскай імператрыцы Кацярыны II; федэратыўная дзяржава Рэч Паспалітая і абедзве краіны ў яе складзе - Каралеўства Польскае і Вялікае княства Літоўскае - спынілі свае дзяржаўнае існаванне. |
1797 г., 1807 - 1809 г., 1813 г., 1817 г., 1818 - 1823 г., 1829 - 1834 г., 1848 г., 1855 г. | Антыпрыгонніцкія выступленні сялян. |
1812 г., 24 чэрвеня. | Пераправа войск Напалеона I цераз раку Неман - пачатак вайны Францыі супраць Расіі. |
1812 г., 1 ліпеня. | Утварэнне Часовага ўрада адноўленага Вялікага княства Літоўскага - органа адміністрацыйнага кіравання ў Літве і на Беларусі, падуладнага Напалеону I. |
1812 г., 26—28 лістапада. | Разгром напалеонаўскіх войск на рацэ Бярэзіна ў час іх пераправы каля в. Студзенка (Барысаускі раен). |
1830 - 1831 г. | Вызваленчае паўстанне ў Польшчы, на Беларусі і ў Літве. |
1838 г., 2 лютага - 1864 г., 22 сакавіка | Жыцце і дзейнасць Кастуся Каліноўскага - беларускага рэвалюцыянера-дэмакрата, кіраўніка нацыянальна-вызваленчага паўстання 1863 - 1864 г. |
1861 г., 3 сакавіка. | Маніфест пра адмену прыгоннага права у Расіі. |
1863 г., студзень - 1864 г. | Паўстанне ў Польшчы, на Беларусі і ў Літве. |
1905 г., 22 студзеня | «Крывавая нядзеля» ў Пецярбургу - пачатак першай рэвалюцыi ў Расii. |
1914 г., 1 жнiўня. | Пачатак 1-й сусветнай вайны; тэрыторыя беларускiх i лiтоўскiх губерняў абвешчана на ваенным становiшчы. |
1917 г., 12 сакавiка | Перамога Лютаўскай рэвалюцыi ў Расii. |
1918 г., 3 сакавiка. | Падпiсанне ў г. Брэст-Лiтоўску мiрнага дагавора (Брэсцкi мiр) памiж Савецкай Расiяй. i дзяржавамi германскага блоку (Германiя, Аўстра-Венгрыя, Турцыя, Балгарыя), якi азначаў выхад Савецкай дзяржавы з 1-й сусветнай вайны. |
1918 г., 18 сакавiка. | Рада Усебеларускага з'езда абвясцiла сябе Радай Беларускай Народнай Рэспублiкi, узяўшы на сябе функцыi парламента Беларусi. |
1918 г., 1 студзеня | Абвяшчэнне (у Смаленску) Беларускай ССР са сталiцай у Мiнску. Утварэнне Часовага рабоча-сялянскага савецкага ўрада Беларусi (16 камiсараў, старшыня З.Х.Жылуновiч). |
No comments:
Post a Comment